Viewport width =
July 10, 2016 | by  | in TV |
Share on FacebookShare on Google+Pin on PinterestTweet about this on Twitter

Te Kemu o ngā Torōna

HEI WHAKATŪPATO. KAUA E PĀNUI I TĒNEI TUHINGA INĀ KĀORE ANŌ KOE KIA MĀTAKI I TE WĀHANGA TUAONO O TE WHAKAATURANGA NEI.

 

No te mutunga o te wahanga tuarima o te whakaaturanga whakamiharo, arā, te Kēmu o ngā Torōna, kotahi noa te patai e whakaaro nuitia ana e te marea. I ngā tini pito katoa o te ao, he tokomaha e āwangawanga ana mo te oranga o tētahi o ngā tino, koia ko Jon Snow!

Haruru mai te whenua i te hari me te koa i te wā i hahū mai ano a Jon i ngā mahi mākutu a Melisandre, ā, mai i taua wā ki te mutunga o te wahanga tuaono, ki ahau, he nui atu ngā piki i ngā heke.

Kua rongonui te Kēmu o ngā Torōna mo nui, mo te tini o te matenga o ngā tāngata e kaingākautia ana e te marea, ā, i pērā anō hoki i tēnei tau.  Ko Hodor tērā, i mate i te mate o te toa, kia ora a Bran Stark rāua ko Meera. I kōhurutia anō hoki a Rickon Stark e Ramsy Bolton hei whakatenatena i a Jon Snow.  Heoi, ka whakakapia te wāhanga tuaono ki te parekura o ngā parekura, arā, ka whakapakūtia te whare karakia i King’s Landing, ā, mate katoa te hunga i roto.  Ko te High Sparrow tērā me ngā pononga o te Hāhi o te Tokowhitu, ko te whānau Tyrell anō hoki tērā kua ngaro atu i tēnei o ngā whakaaturanga.  Nā te weriweri, rorirori rā a Cersei Lannister te parekura nei i aki, ā, ko te hua ko te whakamomori a tōna tama, a Tommen, te Kingi o Westros.  Ka tika, kua ū tonu a George Martin ki tōna rautaki, kia mate tonu ngā tangata.

Heoi, ki au nei, ko tētahi āhuatanga i kaha kitea i te wahanga tuaono nei ko te nui atu o te pai, i te kino.  I tua atu i te hahūnga o Jon Snow ko tōna tūtakinga ki tōna tuahine, a Sansa Stark.  Kua roa te wā mātou e tatari ana kia whai hua pai te whanau Stark, ā, no te taenga o Sansa ki Castle Black ka hotuhotu te manawa i te awhinga tuatahi. Mai i reira ka whakaekea e rāua a Winterfell, me te ope o ngā Wildlings me ētahi o ngā Kainga o te Nōta.  I te Pakanga o ngā Tama Meamea, ka hono mai anō a Petyr Baelish me ngā toa o te Vale ki te tautoko i a Sansa, ā, ka hinga a Ramsy i a rātou.

I te rāwhiti, ki tua o Westros ko Daenerys Targaryen.  Kua tipu, kua pakari ōna tarakona.  Kua rahi ake tāna ope, kikī ana ki ngā toa tauā Dothraki, Second Sons me ngā hoia Unsullied. Ka kōhurutia e ‘Khaleesi’ ngā rangatira taurekareka, ā, ka whakaae anō hoki a ia ki te tono a ngā Greyjoy, a Yara rāua ko Theon, kia haere tahi rātou ki te pakanga ki Westros.  Kei tōna taha ko te whito, a Tyrion Lannister hei kaiāwhina i a ia ki te taha tōrangapū o te karauna. Ka mutu, kua reri katoa tōna ope taua ki te whakawhiti i te Moana Whāiti, ki Westros kia whakaū i tōna Kuinitanga, kia tau tana noho i te Iron Throne.

Kua whai utu a Arya Stark mo te parekura i puta i te Mārena Whero mā te kōhuru i a Walder Frey, te ariki nānā te matenga o Catelyn rāua ko Rob Stark i āta whakarite.  Ko wai ka mōhio ki hea haere ai a Arya inaianei.

Ko Bran tērā i noho i ngā rekereke, pakiaka nei o te Three-eyed-Raven, heoi, ka tata hopukina e ngā White-Walkers.  Ka whakarerea te whakaruruhau rā, ā, kua timata tana ako i te hītori o tōna whanau. I konei ka kitea kō wai ngā mātua tūturu o Jon Snow, arā, ko Lyanna Stark (te tuahine o Eddard Stark) rāua ko Rhagar Targaryen (te tūngane mātāmua o Daenarys).  

Ko te tino painga o te whitianga whakamutunga ko tana āta whakarite i te horopaki mo te pakanga nui e haere mai nei, arā, kua kitea ngā tini kīngi me ngā kuini e kuhu nei ki tēnei Kēmu.  Ko Daenarys me tōna ope tērā e whakatere ana me ngā Greyjoy.  Ko Cersei inaianei te kuini ki King’s Landing, ā, nā Lyanna Mormont te karanga i kōkiri kia whakaingoatia a Jon Snow te Kingi o te Nōta.  Kua whakaritea te atāmira mo te pakanga o ngā pakanga, ā, ko ngā White-Walkers tērā e patōtō nei i te Great Wall… Kua tae mai te hotokē!

Share on FacebookShare on Google+Pin on PinterestTweet about this on Twitter

About the Author ()

Add Comment

You must be logged in to post a comment.

Recent posts

  1. “It doesn’t have to be boring”: Chlöe Swarbrick vs. status quo
  2. Work
  3. Editorial—Issue 22, 2016
  4. I, Daniel Blake and the Welfare State
  5. Young Voters: Waking the Sleeping Giants
  6. The Sky Is Falling
  7. Tell us about Talis
  8. Vic group launch their Reclaim-munist Manifesto
  9. Bye Bye Little Karori (in two years time)
  10. Students seize opportunity to rant at Grant
i-daniel-blake

Editor's Pick

I, Daniel Blake and the Welfare State

: Recently at the NZIFF I was fortunate enough to see Ken Loach’s I, Daniel Blake, this year’s winner of the Palme d’Or at Cannes. By the end of the film nearly everybody seemed to be in mourning and most of the people seated around me were sniffling and wiping their eyes. I,

Viewport width =