Viewport width =
July 10, 2016 | by  | in Opinion |
Share on FacebookShare on Google+Pin on PinterestTweet about this on Twitter

Te Mātāwai

I tēnei tau, ka tūwherahia ngā mata ki tētahi āhuatanga kua roa e matapopore ana. Koia ko te whakarewatanga o te pire reo Māori hou.

I ahu mai te whakaaro nei i te pūrongo Te Reo Mauri Ora a Te Paepae Motuhake. Koia te rōpū mātanga reo i whakakotahi mai i runga i te karanga a tākuta Pita Sharples ki te arotake i te oranga o te reo Māori.

Kia whakamua te haere ki te tau 2016, ka kite i ngā hua o tērā pūrongo i roto i te pire reo Māori, me ōna āhuatanga katoa.

Me ko Hineahuone e hua mai ana i te one i Kurawaka, kua āta whakaarohia, kua āta whakairohia hoki ngā papa rākau o tēnei pire hou ki ngā whakaaro maha puta noa i te motu. I kawea ia ki ngā hau e whā kia ākina e ngā hau mahana o tērā takiwā. Mea rawa ake, ko Te Ture Mō Te Reo Māori te hua.

 

 

Te Whare o te reo Mauri Ora

Ko tēnei whare, he mea hanga kia pūrangiaho ngā āhuatanga o te pire ki tēnā me tēnā. Ko te tekoteko o tēnei whare, ko te ture mõ te reo Māori, ko te kõruru, ko ngā whāinga matua mõ te ture rā. Ko ngā māihi, ngā rautaki. Ko tētahi mō ngāi Māori, ko tētahi mō te karauna. Ko ngā amo, ngā aronga matua o te pire, arā ngā hāpori, me ngā rōpu kāwanatanga, ā, ko te paepae, ngā taha e rua e tutuki ai ngā whāinga mō tēnei ture, arā ko ngāi Māori, ngāi tauiwi hoki.

Kua tauwehetia te whare ki ngā taha e rua, ko te taraiti, me te tara-nui.

Ko te tara-nui te Kāwanatanga me õna pakiaka, arā ngā minita whai hua, me ngā tūmomo tari, arā te Tari Mātauranga. Ko te tara-iti, ko ngāi Māori me ōna pakiaka katoa.

I te nuinga o ngā whakawhiti kõrero mõ te pire nei, ko tērā i kaha tohea, ko te heke tara-iti, arā ko Te Mātāwai.

 

 

Te Mātāwai

Ko te tino pūtake o tēnei tuhinga, ko Te Mātāwai. Koia te heke tara-iti o Te Whare o te Reo Mauri Ora.

Ko Te Mātāwai, he kohinga tāngata nõ ngā rohe me ngā rōpū reo Māori matua, arā ko ngā rōpū o Te Reo Tukutuku. Ko ngā āwangawanga nui i hua mai mō Te Mātāwai, ko te ruarua noa iho o ngā iwi ake ka whai āpiha ki runga o rūnanga rā. E whitu ngā tūranga mō ngā rohe reo o te Taitokerau, Tainui, Mataatua, Te Arawa, te Tairāwhiti, te Taihauāuru, me te Waipounamu.

Āpiti atu ki tērā, e whā ngā tūranga kua whakawāteahia hei whakakanohi i Te Reo Tukutuku (Kōhanga Reo National Trust, Te Rūnanga Nui o ngā Kura Kaupapa Māori o Aotearoa, Te Ringa Raupā o ngā Kura-ā-Iwi, Te Tauihu o Ngā Wānanga, Te Ātaarangi, Te Whakaruruhau o ngā Reo Irirangi Māori o Aotearoa, Ngā Aho Whakaari, Ngā Kaiwhakapūmau i te Reo Māori, Māori Women’s Welfare League Incorporated, me Te Huarahi Tika Trust). Kotahi mō te mātauranga, kotahi mō te hāpori, kotahi mō te ao pāpaho, kotahi mō te hunga noho tāone. Kāti ake, mā te Minita Whanake Māori ngā tūranga e rua whakamutunga e kōwhiri.

I konei, kitea ai te anipā o te marea i te korenga o ētahi rōpu ki tērā rūnanga. Engari, kia tirohia ngā mahi a Te Mātāwai, ko tā rātou, he arotake, he whakahaere i ngā aronga matua mõ te reo Māori. Mā Te Mātāwai te rautaki reo Māori e manaaki, māna hoki te haurua o ngā poari o ngā tari kāwanatanga Māori (Te Taura Whiri i te Reo, Te Puni Kōkiri) e whiriwhiri, ka mutu, māna te pūtea tautoko e āta tuari ki ngā kaupapa. Koia te poutautoko i ngā whānau, ngā hapū, me ngā iwi e nanaiore ana kia ora kaha te reo.

Ko te tino painga o Te Mātāwai, ko te whakahokinga mai o te mana whakahaere rautaki, whakahaere pūtea, whakahaere tari kāwanatanga hoki e whai pānga ana ki te reo Māori, ki a ngāi Māori ake ki te whakatau.

He uaua ka kimi aronga, whakataunga e ea ai ngā hiahia a te tini, ki te pērā rawa te nui o te rōpū ki tā ngā āwangawanga kua whakaaturia mai e ētahi.

Mōku ake, ko Te Mātāwai te waiora o Tāne kua roa e koingohia ana e tātou, nō te wā o ngāi tamō, mohoa nei. He kūare te rākau e pōhēhē ana ka tau te ngāhere i te kōanga kotahi. He aronga pai, he awenga kua roa e ngaro ana. Mā te aha i tênei, he hua tonu ka pãhawa, kāti, ka mātua i tēna.

Kāti ake, he timonga kōrero noa iho ēnei, taihoa te hōhonutanga o ngā kōrero. Mā ngāi hikaka ēra kōrero e hahu ake.

Share on FacebookShare on Google+Pin on PinterestTweet about this on Twitter

About the Author ()

Add Comment

You must be logged in to post a comment.

Recent posts

  1. Hello!
  2. Misc
  3. On Optimism
  4. Speak for yourself
  5. JonBenét
  6. Ten things I wish my friends knew about being Māori
  7. 2016 Statistics
  8. I Wrote for Salient for Four Years for Dick and Free Speech
  9. Stop Liking and Commenting on Your Mates’ New Facebook Friendships
  10. Victoria Takes Learning Global
pink

Editor's Pick

Ten things I wish my friends knew about being Māori

: 1). I wish my friends knew that when they ask me what “percentage” of Māori I am—half, quarter, or eighth—they make me feel like a human pie chart. I don’t know how people can ask this so nonchalantly, but they do. So I want to let you know: this is a very threatening