Viewport width =
August 7, 2016 | by  | in Ngāi Tauira |
Share on FacebookShare on Google+Pin on PinterestTweet about this on Twitter

Ka mate kāinga tahi, kei hea a kāinga rua?

Ko te kāinga he kaupapa whakamahana i te whatu manawa, whakakoakoa i ngā mahara e kōrorirori nei i te hinengaro.   He maha anō hoki ngā momo kāinga, heoi ko te mātāpono ka kitea i ngā momo kāinga katoa nei ko tōna iho, arā, ko te tūrangawaewae.  Ko te tūrangawaewae te tūāpapa e āhei ai te tangata ki te hanga ake i tōnā katoa, i tōna tuakiritanga, i tōnā ao.

Heoi, he tokomaha ngā tangata e noho kāinga kore ana i ngā tōpitopito o Aotearoa, Māori mai, Pākeha mai.  Ko ētahi e moe mararā nei i ngā tiriti matua ki ngā tāone nui.  Ko ētahi whānau, whai tamariki kōhungahunga, e moe ana i roto i o rātou waka, ahakoa te tio o te hōtoke.  Kāore kau he kāinga, he tūāpapa, he tūrangawaewae.  Kāore he hua o taku ruku hohonu ki te take i pēnei ai te noho pōhara o te tangata, kāore i au aua tatauranga, aua mōhiotanga.  Heoi, mārakerake ana te kite, he raruraru e koropupū ana.

Inā anō te nui o ngā rautaki kua kōkirihia e te Kāwanatanga mō te hunga kainga kore, ā, he rerekē ngā hua, ngā painga ka puta.  Heoi, kua roa nei au e tautoko ana i te whakaaro kei a Māori anō hoki te kawenga ki te whakaara ake i a tātou anō i ngā aupiki, auheke o te ao.  Ka tika kia mihia te hunga pērā i ngā marae o Te Puea rāua ko Manurewa kei Tamaki Makaurau, kua tūwhera i a rātou tatau ki te hunga kāinga kore.  He nui anō ngā hua kua heke i ēnei o ngā whakatauiratanga o te aroha.  I tua atu i ngā kai wera, ngā moenga mahana, kua āwhinatia hoki te hunga nei ki te whai kāinga, whai mahi, whai oranga mō rātou.  He nui ngā hua kua puta i te aroha o te tokoiti.  Whaia te tauira nei! Tautokohia te kaupapa nei! Kia ora te tangata, kia ita tōna tū i te ao hurihuri.

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. Issue 21, Vol 81: Looking Back
  2. Foraging Video Recipes
  3. 5 TV Shows that *Might* Fool Others into Thinking You’re a History Wunderkid
  4. Books With Protagonists Our Age (That Don’t Suck)
  5. Changing Tides
  6. In Defense of the Shitty Sci-Fi Sequel
  7. Avantdale Bowling Club
  8. Medium Playback
  9. The International Angle
  10. The Poo Review
Website-Cover-Photo7

Editor's Pick

This Ain’t a Scene it’s a Goddamned Arm Wrestle

: Interior – Industrial Soviet Beerhall – Night It was late November and cold as hell when I stumbled into the Zhiguli Beer Hall. I was in Moscow, about to take the trans-Mongolian rail line to Beijing, and after finding someone in my hostel who could speak English, had decided