Viewport width =
August 14, 2016 | by  | in Ngāi Tauira |
Share on FacebookShare on Google+Pin on PinterestTweet about this on Twitter

Te tō o te Kapa Haka

Muia katoa te ao Māori ki ngā whakanikonikotanga o te toi Māori, te whakairo, te raranga, te tāmoko, te aha atu, te aha atu.  Katoa ēnei ariā he mea whakatairanga i te ao Māori me ōna katoa.  He mea nui anō hoki ngā momo toi ki te tuakiri o te iwi Māori me te tangata Māori.

Heoi, ko tāku aronga matua i tēnei o ngā huringa o Māori Matters, he kōrero mo te taha ki ngā mahi a Rēhia, a Tanerore, koia ko te Kapa Haka.  Kāore i tua atu, i kō mai i te kapa haka hei whakarāmemene i te ao Māori whānui i raro i te whakaaro kotahi.  I kitea tēnei āhuatanga i ngā rā kua taha nei.

I Te Haaro o Te Kaahu – Te Whakataetae Kapa Haka o ngā Kura Tuarua o te Motu, i whakaeke atu te tini me te mano ki te mātakitaki i ngā tauira i te mura o te ahi.  Nō Ngāti Kahungunu te karanga, ā, i whakautua e te motu whānui.  Katahi te hui whakahirahira ko tērā, me te mīharo anō hoki o te taumata haka i kitea.  Ka mihi anō hoki ki Te Rōpū Raukura nō Rotorua i riro i a rātou te ika i te ati.

I kitea anō hoki te tō o te ao kapa haka i te iwi Māori i te tangihanga o te taniwha hikuroa o te ao kapa haka, arā, a Ngapo Wehi.  Ko Ngai Māori whānui me ngā tino kapa o Te Matatini ērā i whātoro atu ki Waihirere ki te tuku roimata, ki te tuku mihi ki tēnei o ngā rangatira.  I reira ka toko ake te whakaaro mo tētahi tāonga whakamaumahara i a rāua ko tōna hoa rangatira a Pimia Wehi i Te Matatini.

I tua i te ao whakataetae kapa haka, ko waiata, ko haka anō hoki ngā waka kawe kōrero, whakaara whakaaro, e āhei ai te tangata ki te whakapuiaki i ōna whakaaro, ōna kare-ā-roto.  He oranga tinana, he oranga hinengaro, he oranga wairua ngā hua ka puta i te whakarongo, te mātaki me te tū ki te haka.

 

HE KARERE:

Hono mai ki te reo irirangi o Māori Matters i ngā Wenerei, 2–4pm ia wiki.

88.3FM

salient.or.nz/fm/

 

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. Your silent cries left unheard
  2. How it Works: On the Climate Change Response (Zero Carbon) Amendment Bill
  3. Is Vic Books Missing Out on the Living Wage Campaign?
  4. Jesus Christ Super-Nah, Saviour’s New Political Party May Need Miracle
  5. Issue 12 – Friendship
  6. SWAT: Friendship Column
  7. Inevitable Entanglement
  8. HOROSCOPE WEEK OF JUNE 3: FRIENDSHIP
  9. Liquid Knowledge: On Israel and Palestine
  10. An Ode to the Aunties

Editor's Pick

Burnt Honey

: First tutorial of the year. When I open the door, I underestimate my strength, thinking it to be all used up in my journey here. It swings open violently and I trip into the room where awkward gazes greet me. Frozen, my legs are lead and I’m stuck on display for too long. My ov