Viewport width =
September 11, 2016 | by  | in Māori Matters |
Share on FacebookShare on Google+Pin on PinterestTweet about this on Twitter

Body

Whakairihia ko ‘te tinana’ ki paetara hei wetewete, hei wāwāhi mā te hirikapo.  Ko te tinana ka hono nei ki a hinengaro, ki a wairua kia hau mai ko te ira o te tangata me ōna, mana, tapu, ihi, aha atu, aha atu.  Ko te tinana te waka kawe i a tātou, o tātou wairua, whakaaro i ngā wai karekare o te ao hurihuri.

Me te pakari anō hoki o te waka nei.  I ngā wiki kua taha ake, kua kitea te taumata ka taea e te tinana.  Ko ngā taumāhekeheke o te ao tērā e whakaatu ana i te tino tihi o te maunga o te tinana pakari, te tinana kua whakairohia kia autāia te tū ki te mura o te ahi, ki te papa tākaro o whakataetae.

Hēoti, he taumata anō ka tāea ki te panaia ko te tinana kia whai i tā te whatumanawa, i tā te wairua whai.  Ki te pakari te hinengaro, ki te muramura mai te hiahia, ki te tika te haere ka whai mai ko tinana pakari.  Ko Te Huinga Tauira ki Pōneke 2016 te tauira o tēnei pahupahu, arā, ko te mahi kawea e ngā kaimahi.  Ka whakaeke mai ko te tini o tauira Māori ki Pōneke, mo Huinga te take, ā, nā Ngai Tauira te mana whenua i te tau nei.

Pō te ao, ao te pō, ko ngā kaimahi ērā e ātā muramura ana i te ahi o te kauta, e whakamahana ana i ngā paetara o wharemoe, e whakariterite ana i ngā whakahaerenga whakahirahira mo te hui.  Ko Ngai Tauira, ko Te Herenga Waka, otirā ngā rōpū katoa e hāpai ana, ā, ko ringa ka raupa mai, ko ihu ka ruku hohonu ki te one, waihoki ka whati ko tuara, ka mamae ko te tinana.

Mīharo katoa ahau ki ngā mahi i mahia mo te mōhio hoki i whati katoa a tinana ki te nuinga o te hunga hāpai ō.  Heoi, nā te ū ki te kaupapa o te hui, ki ngā tikanga a kui mā, a koro mā, ka pania a tinana ki taumata kē atu.  Ka parea ko mamae ki rāhaki, ka mū a tohe, a amu, ā, ka kawea te tinana kia ū ai ko kaupapa ki uta.

Kei uta anō hoki te whiu, tau ana!

Share on FacebookShare on Google+Pin on PinterestTweet about this on Twitter

About the Author ()

Add Comment

You must be logged in to post a comment.

Recent posts

  1. Work
  2. Editorial—Issue 22, 2016
  3. I, Daniel Blake and the Welfare State
  4. Young Voters: Waking the Sleeping Giants
  5. The Sky Is Falling
  6. Tell us about Talis
  7. Vic group launch their Reclaim-munist Manifesto
  8. Bye Bye Little Karori (in two years time)
  9. Students seize opportunity to rant at Grant
  10. Binge drinking is still a bit bad for you
i-daniel-blake

Editor's Pick

I, Daniel Blake and the Welfare State

: Recently at the NZIFF I was fortunate enough to see Ken Loach’s I, Daniel Blake, this year’s winner of the Palme d’Or at Cannes. By the end of the film nearly everybody seemed to be in mourning and most of the people seated around me were sniffling and wiping their eyes. I,

Viewport width =