Viewport width =
September 17, 2016 | by  | in Ngāi Tauira |
Share on FacebookShare on Google+Pin on PinterestTweet about this on Twitter

Māori Matters

Kia whakairi ake te kaupapa mo te wiki nei koia, ko ngā ‘feelings.’  Ko tāku he kōrero mo ngā kare-ā-roto me te hē o te noho whakatōngā, wahangū ki ngā aupēhitanga o te ao kikokiko.

He kaupapa nui whakaharahara tēnei i ngā rā anamata nei.  Kei ngā tōpitopito katoa o o tātou ao ngā kōrero, ngā pikitia me ngā karere mo ngā kaupapa pēnei i te mate pāpouri, te anipā tae rawa ki te whakamomori.  Ko ngā wero ki Pukamata, ko ngā whakatairanga ki ngā pouka whakaata aha atu, aha atu.  He kaupapa nui ēnei, engari he uaua ka kite i te tangata Māori tino hiahia ki te kōrero.  Heoi, me kōrero, ka tika.

Kei tēnā, kei tēnā o tātou o tātou ake raruraru, o tātou aupēhitanga, ngā maunga pukepuke e ārai ana i te huarahi ki o mātou ake pae tawhiti.  Ki ētahi, ka whati a turi i te taumaha o ngā pōrarurarutanga nei, ka waipuketia te whatumanawa ki te pouritanga, ā, ko ngā kare-a-roto ērā e kōrorirori ana i te puku.  Kia pono aku kupu, ehara au i te mātanga hinengaro, te tohunga kare-ā-roto rānei, heoi kua kitea ki wī, ki wā, ko te rongoa matua ki ngā raruraru o te ao, ahakoa tana momo, ko te kai a te rangatira, koia ko te kōrero – ko te whakawhitiwhiti kōrero, whakawhitiwhiti whakaaro, kia horaina ngā kare-ā-roto, kia wetewetehia ngā nawe, kia whāia he rautaki whakatau i ngā raruraru o te wā.

He māmā te kite ko ngāi Māori, ko ngāi tāne te hunga kaore pea i te hiahia ki te kōrero mo ngā kare-ā-roto, mo ngā mea uaua whai hāngai ki a rātou anō.  Engari kare he hua o te noho wahangū, te noho whakatōngā kia kōrorirori noa atu ngā whakaaro, ngā kare-ā-roto kia koropupū, kia pahū mai.  He nui ngā hua o te kōrerorero.  Mā te kōrero ka hikina māmā haere te taumaha ki ngā pakihiwi.  Mā te kōrero ki tētahi hoa ka whai pou whirinaki koe hei toka tū moana mou i ngā ngaru kaitangata o te ao hurihuri.  Mā te kōrero ka whai wāhi koe ki ngā kupu akiaki, ki ngā kupu āwhina a o hoa, tō whānau, ngā mātanga hinengaro rānei.  Nōreira e hika mā, kōrerotia te kōrero, huakina te tatau ki te puku, kia maringi iho mai ko ngā kare-ā-roto, ngā raruraru, kia hikina tahitia e tātou ā-whānau, ā-hoa, ā-Māori.

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. Storytime: Angst, Agony, and Adorable Babies in Teen Mom YouTube
  2. VUWSA Responds to Provost’s Mid-Year Assessment Changes
  3. Te Papa’s Squid is Back and Better Than Ever
  4. Draft Sexual Harassment Policy Consultation Seeing Mixed Responses
  5. Vigil Held For Victims of Sri Lankan Easter Sunday Attacks
  6. Whakahokia te reo mai i te mata o te pene, ki te mata o te arero – Te Wharehuia Milroy Dies Aged 81
  7. Eye on the Exec – 20/05
  8. Critic to Launch Hostile Takeover of BuzzFeed
  9. Issue 10 – Like and Subscribe
  10. An Overdue Lesson in Anatomy

Editor's Pick

Burnt Honey

: First tutorial of the year. When I open the door, I underestimate my strength, thinking it to be all used up in my journey here. It swings open violently and I trip into the room where awkward gazes greet me. Frozen, my legs are lead and I’m stuck on display for too long. My ov