Viewport width =
September 11, 2017 | by  | in Ngā Rangahautira |
Share on FacebookShare on Google+Pin on PinterestTweet about this on Twitter

Ngā Rangahautira — Māori Law Students Association

Nā Kahu Haimona (Te Arawa, Waikato) rāua ko Eru Kapa-Kingi (Te Aupōuri, Ngāpuhi, Waikato-Tainui, Te Whānau a Apanui)

Tumuaki-Takirua o Ngā Rangahautira

COLUMN - Ngā Rangahautira Logo

 

Ko Ngā Rangahautira tētahi rōpū e tautoko ana i ngā mahi a ngā ākonga Māori e whai ana i te tohu ture. Ko ngā mahi a Ngā Rangahautira, he tautoko, he akiaki anō hoki i ngā ākonga ki te whai i tēnei rākau ture a te Pākehā. He rōpū e hāngai pū ana ki te whakawhanaunga i ngā tauira Māori o Te Kura Tātai Ture, mā te whakahaere i ētahi wānanga ture. Waihoki, ka whakahaerehia  ētahi pō whakangāhau, kia kai tahi, kia noho tahi, kia kotahi ai tātou. Ka mutu, he rōpū āwhina i ngā ākonga Māori ki te whakanui i tō tātou Māoritanga i roto i te ture.

I whakatūhia te rōpū nei i te tau 1982, ā, i tēnei tau e whakanui ana i ngā tau 35 kua pahure. I tapaina te ingoa e Moana Jackson (Ngāti Kahungunu, Ngāti Porou) ko Ngā Rangahautira, me kī te tira rangahau.

Ko te tohu o tō mātou rōpū ko tētahi manaia e pupuri ana i tētahi hama o te kōti me tētahi pepa mātauranga. Nā Barry Te Whatu (Taranaki Tūturu, Ngā Puhi) te tohu i hanga. Ko te tikanga o te manaia, ko ngā tauira Māori e mahi ana i te ture ki Te Whare Wānanga o Te Upoko o te Ika-a-Māui. Waihoki, ko te hama o te kōti e whakaatu ana i te ao o te ture, ā, ko te pepa mātauranga e whakaatu ana i te tohu paetahi o te ao Pākehā, me kī, te tohu paetahi o te ture. Ko te tūāpapa o tā mātou tohu me tā mātou waiata, ko ngā kōrero tukuiho ā Tā Āpirana Ngata (Ngāti Porou):

“E tipu e rea mō ngā rā o tō ao, ko tō ringa ki ngā rākau a te Pākehā, hei ora mō te tinana. Ko tō ngākau ki ngā tāonga a ō tīpuna Māori. Hei tikitiki mō tō māhunga. Ko tō wairua ki tō atua, nāna nei ngā mea katoa.”

Āpiti atu, he rōpū anō kei waenganui i a mātou. Ko Ngā Kaiaronui, ko Te Hīnātore ngā ingoa o ēnei rōpū.

Ko Ngā Kaiaronui, he rōpū ka tāpae atu ki ngā Kōmiti Whiriwhiri o te Whare Pāremata. Engari, e whakatāpae ana, ā-tuhinga, ā-waha anō hoki e pā ana ki ngā take e hāngai ana ki te ao Māori.

Ko Te Hīnātore, he rōpū mō ngā tauira katoa, ahakoa Māori mai, Pākehā mai. Kia whai wāhi atu ai te hunga nei ki te āta wānanga i ngā hononga o te ao Māori me te ao Pākehā, arā ngā tikanga Māori me ngā ture Pākehā.

Nō reira, e kite ai ngā āhuatanga huhua o Ngā Rangahautira, tūhono mai ki ngā pae pāpāho pāpori o Ngā Rangahautira:
Pukamata: Ngā Rangahautira
Paeāhua: nga_rangahautira
Atapaki: nr_snapz

 

COLUMN - Nga Rangahautira

Share on FacebookShare on Google+Pin on PinterestTweet about this on Twitter

About the Author ()

Add Comment

You must be logged in to post a comment.

Recent posts

  1. An (im)possible dream: Living Wage for Vic Books
  2. Salient and VUW tussle over Official Information Act requests
  3. One Ocean
  4. Orphanage voluntourism a harmful exercise
  5. Interview with Grayson Gilmour
  6. Political Round Up
  7. A Town Like Alice — Nevil Shute
  8. Presidential Address
  9. Do You Ever Feel Like a Plastic Bag?
  10. Sport
1

Editor's Pick

In Which a Boy Leaves

: - SPONSORED - I’ve always been a fairly lucky kid. I essentially lucked out at birth, being born white, male, heterosexual, to a well off family. My life was never going to be particularly hard. And so my tale begins, with another stroke of sheer luck. After my girlfriend sugge