I ngā tau kua pahure, i tū ngā tauira Māori ki te ātamira o tēnei āhua ko te whakataetae kapa haka. He whakataetae tēnei ka tu ki ia Huinga Tauira mā ngā tauira Māori katoa o te motu. I te tau 2007, i haere te ope o Ngāi Tauira ki te rohe o Waikato mō te Huinga Tauira. I reira, ka rangona te kaha o ngā pūkenga Māori, anō hoki, i kitea te wehi o ngā tauira Māori ki Wikitōria. I arahitia te rōpu ki te taumata ahurei o ngā mahi a rēhia.

I tērā tau, i eke anō te rōpu i te ātamira o te Huinga Tauira i Ōtautahi. I ngā wiki o mua, he ringa tohau nui rātou. Ahakoa kāore tēnei i te hunga matatau ki tēnei mahi, i tū whakahīhī mātou katoa ki te āhua o te rōpu. Ka rere te whakaaro ki runga i te kōtengitengi o ngā kupu, i tutū te puehu, haruru ana te whenua , ka kī te ngākau i te rawe o te mahi. I tū anō ngā tauira hei āhuatanga o te whare wānanga, māku e kī atu, me tū whakahīhī tātou ki te āhua o aua tauira i taua whakataetae.

Hei whakautu i te wawata a te tauira, i tēnei tau i whakatū te kaupapa Te Roopu Kapa Haka o Ngāi Tauira. I ngā tau kua pahure, kua kitea e ngākaunui ana te tokomaha ki tēnei taonga o te ao Māori. I tono te kōmiti whakahaere o Ngāi Tauira ki a Teurikore Biddle, Patariki Hape, Anipiki Tuari rātou ko Mākere Kupenga ki te whakatītina ngā pūmanawa a nga tauira. Ināianei, ko te tirohanga o Ngāi Tauira me te whakaaro o te rōpu, kia whakatū ngā pou o te manaakitanga, whanaungatanga, kotahitanga, me te rangatiratanga hei aratakina te rōpu. Ko tētahi mea nui o te whanaungatanga, ko ngā whānau o te tauira e pīrangi ana ki te haere mai ki ngā wānanga. Nō reira, ko tētahi āhua o te rōpu ko ngā tamariki, ko ngā tuākana, ngā tēina rātou ko ngā hoa rangatira. Ka pōwhiri atu ki te iwi katoa hei manaaki i te tauira.

I te marama o Poutū-te-rangi, i raro i te marumaru o te kura tuarua o Rongotai, i tū te noho tuatahi o te rōpu. Tokomaha ngā Māori i reira. Ehara te mahi whakataetae i te aronga o te noho engari he kai mō te wairua kē. Ki te nuinga o mātou kāore anō kia rongo i te āhua o te ātamira heoi anō ka tuia ngā rāranga o te kapa, ka waiata te waiata, ka takahi te waewae, ka whakawhānau te rōpu i roto i ngā mahi. Kāore he whāinga i tua atu i tērā.

I ngā marama o muri, pēnei nā ngā wānanga o te rōpu. I ngā marama o Paengawhāwhā me Haratua i piki ngā wānanga ki Te Ako Pai Marae ki te kawe i te kaupapa o te rōpu. He whakangāhau anō ngā waiata o aua wānanga. Nā te hararei me te rahi o ngā mahi, i wātea ngā hui i te mārama o Pipiri kia hoki ngā tauira ki te kāinga me te whakatā. Engari i tēnei tīmatanga o te wāhanga tuarua, ko te whakataetae anō te kaupapa o ngā wānanga. I te mea, i tēnei tau, ka hoki anō te Huinga Tauira ki te Ūpoko-o-te-ika. I whakakīngia te Ako Pai Marae e ngā rerenga waiata me ngā whakamāramatanga kōrero e hāpai ana i te wairua o ngā tauira i te hokinga mai ki Pōneke me te mahi ako. He taumaha anō te mahi o tēnei hui.

I tērā wiki, i wānanga te rōpu, ā, kua mārama te āhua o te kapa. He kapa ka tū ki te oke i te whakataetae o te Huinga Tauira 2010. Nō reira, ki a koutou e whai ana i tēnei ara, tuku i tōu ingoa ki a: morganjoan@myvuw.ac.nz. Ka whakawhānuihia ngā wānanga kei te haramai.

I te wāhanga tuarua o te Tiriti o Waitangi, i te mea Pākehā me te mea Māori, kei ngā tāngata Māori te tino rangatiratanga o ngā whenua, o ngā kāinga me ngā taonga katoa o Aotearoa, nō reira ko tēnei te mana, me kī te tūranga rangatira o te kerēme. Ahakoa he iti te kupu nei, he nunui te tikanga.

Ki ngā kaitono, e whā ngā take o tēnei kerēme e takotohia nei ki raro:
• Kua hinga te Karauna i tō rātou mahi ki te whakamana i te tino rangatiratanga me te kaitiakitanga o ngā kararehe, ngā rākau, ēnei momo mea taketake ki Aotearoa me te mātauranga Māori.
• Kua hinga te Karauna ki te tiaki i ngā taonga Māori
• Kua takahi te Karauna i te tino rangatiratanga me te kaitiakitanga o te Māori ki tō rātou mahi whakarite kaupapa, whakahaere ture
• Kua whati te Karauna i te Tiriti o Waitangi ki tō rātou herenga ki ngā kaupapa o te ao e pā ana ki ngā taonga taketake o Aotearoa.

Tokoono ngā iwi o te komiti whakarite engari kua kitea he take tēnei e hono ana ki te iwi Māori whānui. Kāore e kore, he nunui tēnei kaupapa. Hei whakangāwari i te kerēme, kua whakarōpū te kaiwhakawā i ngā take kia whā.

1 – Ngā Take Mātauranga Māori: E pā ana ki te pupuritanga me te tiakitanga o te mātauranga mō ngā toi, ngā whakairo, te hītori, ngā kōrero-ā-waha, ngā waiata, te reo me ngā rongoā Māori.

2 – Ngā Take Whakatinana Mātauranga Māori: Kua pāngia e ngā ture kāore e tiaki ana i ngā taonga nō te Māori, kāore hoki e parepare i ngā takatakahi a ngā taonga Māori pērā i ngā whakairo me ngā mokomokai

3 – Ngā Take Mātauranga Māori me te Whakatinana Mātauranga Māori: E takahia ana e ngā ture e pā ana ki te mātauranga me ngā herenga ki ngā ture o te ao. Kei konei ngā take o te mana ki te whakahaere i ngā mea hou, te rēhitatanga o ngā tohutohu mahi ai i ngā kupu me ngā tohu māori pērā i ngā tā moko whakapapa

4 – Ngā Take o te Taiao me ngā Rauemi – Ko ngā raru e pā ana ki ngā kaupapa e mahi ai i te taiao me ngā rauemi, me kī ngā rākau, ngā kararehe te mea te mea. Me whai whakaaro ngā iwi mō tēnei mea, te hanganga ora o ngā mea taketake o te motu.

Koirā ngā kupu taumaha o tēnei take, kua kitea i te iwi Māori te hōhonutanga me te whakaharatanga. Ko te matū o te kōrero, me kī taurangi te Kāwanatanga i te tino rangatiratanga o ngā iwi Māori ki ngā kararehe, ngā manu, ngā otaota taketake o Aotearoa, te honongo ki aua mea, me te mātauranga. He raru tēnei o te ao whānui me ngā iwi taketake.

Te haerenga a te kerēme

I te tau 1998 me ngā tau e toru i whai ake, ka tukuna ngā kōrero a ngā kaitono hei whakatīmata i te mahi. I te tau 2006 i kawea te tono ki te Te Kotahitanga o te Ao (United Nations) kia whai tautoko mō te haerenga o te kerēme. Ko te manako, ka whakamana te Kāwanatanga i te tukanga kia tere mai te whakamutunga o te mahi. I te tau 2007, i aukati ngā tukunga ki te Taraipiunara katahi ka rumaki te Taraipiunara ki te tuhi rīpoata engari kāore anō kia puta. Ā tōna wā, ka hoatu te rīpoata ki te Kāwanatanga, mā te Kāwanatanga e whakatinana. Ehara i te mea ko tēnei te mutunga o te mahi, he whakatō kākano kē.

Kua roa te wā rātou ngā kaitono e ngana ana. Kua tinakuhia te haerenga e te Karauna me ētahi kamupene e kore e pīrangi kia tutuki te kerēme. Waihoki, kua mate te nuinga o ngā kaitono, mā te whānau e hari.

Nō reira, kia mataara, kia hiwa rā. Ki tā te whakataukī “Te umanga nui a neherā ko te whawhai”, kia pēnei tō tātou āhua i te whaitanga o ngā taonga Māori, o tō tātou tino rangatiratanga.

E ai ki te māramataka tūturu a ētahi iwi Māori, ka tīmata te mātahi o te tau i te marama hou me te eanga o Matariki i te ata hāpara. He kāhui whetū a Matariki. E mōhiotia whānuitia ana e ngā iwi maha o te ao. Ahakoa ngā ingoa rerekē ki tā ia iwi, he ōrite te āhua o ngā whetū e whitu. Mai i Aotearoa ka kitea tēnei whānau whetū i te mutunga o te marama o Haratua, i te tīmatanga o te marama o Pipiri rānei. He kōrero ake tā ia iwi e pā ana ki a Matariki. Ki ētahi ka whakanuia a Matariki i tōna putanga, ki ētahi atu ka tatari kia hua te marama, atu anō ka tatari kia kōwhiti te marama hou.

I ngā wā o ukiuki, ka tohutohu a Matariki i te wā pai o te whakatō kai. Inā, ka mārama te āhua o ngā whetū, ka mōhio he mōmona ngā kai, nā ka whakatō kai ngā tūpuna i te marama o Mahuru. Engari, ki te rehurehu, nohopiri ngā whetū he tohu tērā o te mātao o te wā nā ka whakatō kai i te marama o Whiringa-ā-nuku. Kua kitea, he tino hirahira tēnei kāhui whetū ki ngā tūpuna. Ehara i te mea ka hoko kai i ngā toa, e hika e, ko tēnei te matatau o rātou ki tō rātou ao. He oranga te kai, he oranga te mōhiotanga. He whakatūpato anō ki te tangata, hei whakataukī ake te whakaaro, “Whatungarongaro te tangata, toitū te whenua”, ka tika me hoki anō ō tātou whakaaro ki a Papatūānuku, ki a Tangaroa, ki a Tāne me ō rātou tamariki ngā hua o te whenua, o te moana, o te ngahere hoki, me kī te oranga o te tangata.

He wā hoki o te hauhake, arā, he maha te kai. He nui ngā whakataukī hoki mō tēnei wā, “Matariki ahunga nui”, ko tēnei te kōrero o taua mea te rahi o te kai. “Ka kitea a Matariki, kua maoka te hinu”, ko te whakamāramatanga o tēnei he pānga anō ki te kaupapa kai. Ki tā Grove rāua ko Mead, he wā pai te wā o Matariki ki te mahi manu, mahi kiore hoki arā he maha ngā huahua. Nā whai anō, ka whakanuia a Matariki.

I muri i te taenga mai o te ao ki Aotearoa, kua tata mate te wā o Matariki. I te ngahuru tau kua pahure, e rongonui haere ana a Matariki. Kua rongohia te wā i ngā kāinga maha o te motu, ahakoa Pākehā, ahakoa Māori. Atu i ngā kaimahi ahuone, kāore tātou e whakaaro ki te rerekētanga motukanga o te wā engari ka mōhiotia whānuitia te kupu Matariki me tōna tūranga hei tīmatanga o te tau hou Māori. Ko tētahi atu āhua o te wā Matariki, ko ngā pākau. Ko te whakaaro o tēnei, ka rere atu te pākau ki te rangi, noho ai ki ngā whetū e pīata mai hei ārahi i a mātou o te whenua.

Nō reira whānau he whakaaro tēnei ki a rātou kua ngaro. Me ngā pātai, ka pēhea koe e whakanui i tēnei mahi rawe a ngā tūpuna? Ināhea koe i titiro whakarunga ai ki ngā whetū o te rangi? Ko te whakaaro ka mōhio te katoa i tēnei whakamārama ‘te tau hou o te Māori’ engari he aha te ngako o te kōrero. Kei ngā kupu whakataukī te whakaaro whakamutunga, ‘Hoki ki tōu maunga kia horoia e ngā hau a Tāwhirimātea’, e hoki ki tōu whānau, ki tōu hapū, ki tōu whare wānanga ki te whakatō i te kākano o te mātauranga ki tōu hinengaro kia maumahara, he purapura koe i ruia mai i Rangiātea.

Given the many complaints Salient receives following Māori Language Week, we have prepared for you a collection of Māori language learning options that are available to everyone.

Option ā: Te Ātaarangi

Te Ātaarangi is a nationwide programme designed for adults to learn and speak Te Reo Māori. It is largely oral-based, and since starting in the 1970s it has gained recognition as one of the most efficient methods for learning te reo. They run year-long programmes with classes held in the evenings. They follow the same terms as the public school system, allowing for parents and those who are busy during the day. The levels vary depending on your familiarity with te reo Māori, so is helpful to those who have a basic grasp of the language but want to further their learning.

Further information can be found at their website or freephone 0800 282 272.

Option Ē: Te Ara Reo

Te Ara Reo is a programme run through Te Wānanga o Aotearoa. Like Te Ātaarangi it starts at basic conversational language skills for use in traditional and modern contexts. They also have evening classes to cater for those with commitments during the day. The environment of the classroom moves away from the traditional setting to one that is more comfortable and relaxed for students.

Details about the course can be found online via the Te Wānanga o Aotearoa website.

Option Ī: Te Timatanga

Te Timatanga is an introductory language class offered by Te Kawa-a-Māui, the Māori School here at Victoria University. There is a strong emphasis on oral competency in this paper, but also includes learning of reading, writing and translation skills. It is a 100-level paper with no prerequisites or restrictions worth 20 points. MAOR101 starts in trimester one of every year and is often offered during the beginning of the summer period with the follow-up MAOR102 also available.

Information can be found in the University Course Catalogue as well as the office of Te Kawa-a-Māui at 50KP.

Option Ō: Tōku Reo

Tōku Reo is a show that airs on Māori television, Monday–Friday at 3pm and 7pm. The show follows the language resources provided by John Moorfield’s Te Whanake series. It is grammar- and vocabulary-focused, with activities that draw information from speeches provided by fluent Māori speakers. The advantage of watching the show as opposed to reading the books is the listening component provided by the hosts of the show. The added advantage to this show is the ability to take the lessons in your own time and at your own pace, as the shows are also available online from the Māori Television website. Te Whanake can be found at www.tewhanake.maori.nz.

Option Ū: Look it up!

If all you want to do is understand the rest of the magazine and the brilliant content it contains, there are a multitude of dictionaries available online and at the Victoria library. A reference section dedicated to Māori- and Pacific Island-related books officially opened on Tuesday 6 July. They are also very helpful if you do choose to undertake one of the earlier options. A popular favourite for Te Reo majors is the website www.maoridictionary.com.