Ngā Taura Ūmanga

Posted by Salient & filed under Columns.

Ko mātou te rōpū mō ngā tauira Māori i Te Wāhanga Tauhokoko i te Whare Wānanga o te Ūpoko o te Ika ā Māui. He kaupapa tino whakahirahira te kaupapa matua o tēnei rōpū – ko te whakapiki te mātauranga o ngā tauira Māori e pā ana ki ngā kaupapa i roto i Te Wāhanga Tauhokohoko me ngā kaupapa katoa. E ai ki ngā tikanga whakahaere o te rōpū Ngā Taura Ūmanga, kai runga i te aroha, te kotahitanga, te manaakitanga me te wairuatanga. Koinei te pūtake o te rōpū Ngā Taura Ūmanga. Koinei ngā tikanga tino whakahirahira ki tāua rōpū.

He whārangi “Bebo” tā te rōpū nei. Tēna whakahoahoa mai.

Te Tau kei te heke mai nei:

He nui ngā mahi e whai ake nei i tēnei tau mō Ngā Taura Ūmanga:

1. Karahipi / Pūtea (Scholarships)

  • Mai i te wāhanga tuarua o te tau nei kei te tohatoha pūtea te rōpū nei ki ngā tauira
  • te Whare Wānanga (i roto i te Wāhanga Tauhokohoko) – haere ki tō mātou “Bebo” mō ngā whakarite.

2. Whakataetae (Competitions)

  • Titiro, whakarongo ki ngā pānui mo ngā whakataetae e haere mai ana, he nui ngā taonga hei riro mōu – arā he kākahu, he pūtea mō tō waea, he pūtea mō āu pukapuka me ētahi atu!

3. Kākahu (Clothing range)

  • He kākahu hou tō mātou hei tuari ki ngā tauira o te Whare Wānanga katoa! He poraka he tīhate hoki ki te hoko:

Pōraka (hoodies) = $25
Tīhate (T-Shirts) = $15

Whakauru atu ki tō mātou whakataetae rānei – tēra pea ka riro i a koe tētahi mo te kore utu!

4. Kai Time!

  • I tēnei tau kei te whakatūria he wā tunu tōtiti e Ngā Taura Ūmanga ki te Whare Wānanga mō ngā tauira katoa. Kei te wāhi o Pipitea mātou i te Wiki o Te Reo, nā reira haere mai mō te kai!

5. Ngāhau (Commercial evenings)

  • Ka whakatūwhera te rōpū nei i ētahi ngāhau mō ngā tauira me ngā kaimahi i roto i te mahinga kia taea e rātou te kōrero te whakawhānau hoki i waenganui i ngā tohunga o tērā papa.

6. Pātukutuku (Website)

  • He pātukutuku tā Ngā Taura Ūmanga – haere ki reira, ki te Bebo rānei mo ngā pānui me ngā whakarite e pā ana ki te rōpū nei. Anei ngā mokamoka mō ā tātou wharangi ipurangi:

www.ngatauraumanga.co.nz
www.bebo.com/MaoriCommerceStudent

Mena he pātai he kōrero tāu, tukua mai ōu whakaaro ōu hiahia rānei mō te rōpū rānei ki tō mātou karere, arā ngatauraumanga@gmail.com.

Comments are closed.