Viewport width =
July 23, 2007 | by  | in Music |
Share on FacebookShare on Google+Pin on PinterestTweet about this on Twitter

Profile: Ngaruaa, Kei Roo Whare

Tuatahi ko wai a Ngaruaa?
He roopu waiata a Ngaruaa,
Ko Christine Waitai Raapana raaua ko Acushla Deanne O’Carroll.

Whakamaaramahia mai, i ahu mai te ingoa i hea?
Ko te mauri o te ngaru toona whakamaarama, i ahu mai te ingoa nei mai i te maanuka i whakatakotoria e Maaui Tikitiki. Kia rite taaua te Maaori ki te wairua o teenaa oo Maaui. Kia whakahiihii te tuu, rukuhia te ruku o te Kaawau.

He aha ngaa momo waiata i runga o te koopae nei?
He waiata Maaori katoa ngaa waiata o roto i te koopae. He whaanui ngaa kaupapa. He kaupapa toorangapuu, pakiwaitara, aroha, reo Maaori heoi he tangi oonamata toona, e whakauru ana i ngaa taaonga puuoro whakatangi Maaori. He akiaki teenei ki te hunga rangatahi kia whai i oou moemoea i tua atu i te pou raahui. Kia reo Maaori ngaa waiata. Hei aha? Hei whakamana i too taatou Maaoritanga, too taatou Reo Rangatira.

I te marama o Haratua, i whakarewatia te kopae hoou a Ngaruaa me te kamupene a `Fresh Alliance Entertainment’ he roopu hou ki te ao waiata…Ko wai atu ngaa roopu i raro i te maruu o `Fresh Alliance’?
Tokomaha ngaa kaiwaiata e mahi ana i raro i te aahuru o Fresh Alliance. Ko JUSTUS teetahi. Heoi anoo, ia raa e rapurapu ana raatou i ngaa kaiwaiata hou.

He aha ngaa wero o teenei mahi te hanga koopae? He aha ngaa moemoea moo Ngaruaa?
Tuatahi naa, he waahanga noa iho maaua o Ngaruaa e hanga ake ana i te whare whakairo e whakarangatira ana i too taatou reo Maaori. Ko te tumanako ka whai mai te hunga rangatahi i ngaa tapuwae kua takahia e maaua o Ngaruaa. Koiraa taa maaua moemoea kia kite i a Maaori, e whakamana ana i too raatou Maaoritanga.

Koinei te wiki o te reo Maaori, hei whakakapi ake, he aha teetahi whakatauki moo ngaa taiohi e hiahia ana ki te whai atu i te ara e takahia ana e Ngaruaa?
`Rukuhia te ruku a te Kaawau’.

Ae raa e hoa maa, koinei ngaa tokorua e raangona ana e te tini me te mano i runga i ngaa reo irirangi Maaori…Me hoko atu too raaua koopae…


Panui: I ngaa koorero e whai ake nei ka hurihia matou i ngã tohutoo ki ngaa tohu oro e rua.
Notice: In all articles we have changed the macron into double vowels.

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. VUW Halls Hiking Fees By 50–80% Next Year
  2. The Stats on Gender Disparities at VUW
  3. Issue 25 – Legacy
  4. Canta Wins Bid for Editorial Independence
  5. RA Speaks Out About Victoria University Hall Death
  6. VUW Hall Death: What We Know So Far
  7. FANTA WITH NO ICE
  8. New Normal
  9. Come In, The Door’s Open.
  10. Love in the Time of Face Tattoos

Editor's Pick

Uncomfortable places: skin.

:   Where are you from?  My list was always ready: England, Ireland, Scotland, Wales, puppy dogs’ tails, a little Spanish, maybe German, and—almost as an afterthought—half Samoan. An unwanted fraction.   But you don’t seem like a Samoan. I thought you were [inser

Do you know how to read? Sign up to our Newsletter!

* indicates required