Viewport width =
August 20, 2012 | by  | in Opinion |
Share on FacebookShare on Google+Pin on PinterestTweet about this on Twitter

Te Ao Torangapu

Ā tērā mārama ka wānanga anō ngā tauira o te whare wānanga. Kia mōhio ai koutou, ko Joanna Morgan (Tumuaki o Ngāi Tauira) ko Julia Whaipooti (Tumuaki Wahine o Ngā Rangahautira) ko Quinn Rosa (Tumuaki Tuarua Mātauranga o Ngāi Tauira) mātou ko Anaru Toia ngā māngai Māori e kawe nei i ngā take o ngā tauira Māori ki te wānanga tauira. Ka wānangahia te take nui ko te Student Services Levy. Ki a koutou e ako ana i te whare wānanga mā te katoa o te tau ka tuku e ono rau rima tekau tāra hei moni mō te Student Services Levy. He nui ngā kaupapa e whakatūria e tēnei pūtea, tirohia ki te pae tukutuku o Wikitōria kei reira ngā wetewetenga. Otirā, ka wānanga te whare wānanga me ngā māngai tauira e pā ana ki tēnei kaupapa. Ko tā tātou, he aha ngā pirangi a ngā tauira Māori? Kia tū ai ngā wharekai pai ake? Kia kore te putea e nui haere? Kia kore te pūtea e whakatū i ngā wāhi whakaora? Me mōhio koutou, nāu te pūtea nei nō reira kei a koutou ngā tohutohu.

Ki ētahi o koutou, kāore koutou e pānui i te katoa o te maheni anō hoki te kōrero o te tumuaki o VUWSA. Heoi, ka whakanuia tā rātou, me kī tā tātou, hui-ā-tau ā te 22 o Ākuhata (i tēnei Wenerei). Ka horahia te kai parehe hei kai mā te puku, ka horahia ngā take o te tau hei kai mā te hinengaro. Ko tētahi take nui o te hui he arotake i te āhua o te Kōmiti Whakahaere o VUWSA me ngā mahi o te tau. Haere atu ki te hui, kia mōhio ai he aha ngā mahi a tēnei rōpū tauira me ngā whāinga a ngā tau e tū mai nei.

I tēnei wā tonu he nui ngā aromatawai, ngā whakamātautau o te whare wānanga. Kāore e roa, ka puta te taumaha a te mahi, arā, kua tata mutu te tau. Kei te whakaarohia te tau e tū mai nei, he aha ngā wawata a ngā tauira Māori? I tēnei tau, kua raru te rōpū i ngā rerekētanga a ngā mahi a te whare wānanga e pā ana ki ngā rōpū tauira, kua rangirua i tēnei āhua. Engari, ki a koutou e hoki mai ā tērā tau, he aha āu e pīrangi ai? He whakaaro ā koutou e pā ana ki te mahi o Ngāi Tauira? Tukuna ā īmeera mai ki a Joanna ki joanna.morgan@vuw.ac.nz

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. VUW Halls Hiking Fees By 50–80% Next Year
  2. The Stats on Gender Disparities at VUW
  3. Issue 25 – Legacy
  4. Canta Wins Bid for Editorial Independence
  5. RA Speaks Out About Victoria University Hall Death
  6. VUW Hall Death: What We Know So Far
  7. FANTA WITH NO ICE
  8. New Normal
  9. Come In, The Door’s Open.
  10. Love in the Time of Face Tattoos

Editor's Pick

Uncomfortable places: skin.

:   Where are you from?  My list was always ready: England, Ireland, Scotland, Wales, puppy dogs’ tails, a little Spanish, maybe German, and—almost as an afterthought—half Samoan. An unwanted fraction.   But you don’t seem like a Samoan. I thought you were [inser

Do you know how to read? Sign up to our Newsletter!

* indicates required