Viewport width =
July 10, 2016 | by  | in Opinion |
Share on FacebookShare on Google+Pin on PinterestTweet about this on Twitter

Ko ngā Poutama o te Hōhaieti o te Reo Māori

Nei rā te mihi nui ki a koutou te hunga rangatira e ngana ana ki te whakaora i tō tāua nei reo. Kei te mihi, kei te mihi, kei te mihi.

Ko te whāinga matua o tēnei rōpū, ko te whakapiki i te wairua o te tauira kia puāwai ai tana reo, ka mutu, ko te whakawhitiwhiti kōrero e pā ana ki ngā kōrero nui o te wā mō te reo Māori. I hoki mai Te Hōhaieti ki a tātou ngā tauira o te whare wānanga nei i tērā tau, ā, e whai tonu ana mātou i ngā mahi a kui mā, a koro mā. E tautoko ana mātou i ngā tauira reo Māori me ngā tauira e pīrangi ana ki te ako i ngā mea e pā ana ki ngā mate tauwhiro mō te reo. He rōpū tēnei e āki nei i te hunga e whai ana i ēnei mea ahakoa te iti o te reo, ahakoa pēhea rānei.

Tata ki te whā tekau mā whā ngā tau kua pahure ake mai i te wā i tukuna atu ai te pētihana mo te reo Māori e Ngā Tamatoa me Te Hōhaieti o Te Reo Māori o mua. Nā te kaha o tēnei uepū, i whakapūmautia tō tātou reo i roto i te Kāwanatanga. Koinei hoki te wā i āwhina ai tēnei reanga ki te whakatū i Te Rā o Te Reo Māori (nā wai rā ka huri hei wiki). I te nuinga o te wā, kāore e kitea te tini me te mano o ngā hītori me ngā whakapapa e hāngai ana ki te whakarauoratanga nō roto i tēnei whare wānanga. I taua wā, he ruarua noa iho ngā rauemi mō te reo, heoi anō, nā konā, kua nui haere te rahinga o ngā pou hāpai mō tēnei taonga. Kua waimarie te iwi rangatahi i te mahi i mahia e rātou, engari he aha ki a tātou?

Ko te kōingo, ka ū tātou te hunga rangatahi ki te kaupapa mō ngā tamariki, mō ngā mokopuna e whai ake i a tātou. He maha ngā wero nui kei mua i tō tātou nei aroaro, engari me ngana tātou ki te whakatūturu i te reo ki roto i tēnei whare wānanga.

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. VUW Halls Hiking Fees By 50–80% Next Year
  2. The Stats on Gender Disparities at VUW
  3. Issue 25 – Legacy
  4. Canta Wins Bid for Editorial Independence
  5. RA Speaks Out About Victoria University Hall Death
  6. VUW Hall Death: What We Know So Far
  7. FANTA WITH NO ICE
  8. New Normal
  9. Come In, The Door’s Open.
  10. Love in the Time of Face Tattoos

Editor's Pick

Uncomfortable places: skin.

:   Where are you from?  My list was always ready: England, Ireland, Scotland, Wales, puppy dogs’ tails, a little Spanish, maybe German, and—almost as an afterthought—half Samoan. An unwanted fraction.   But you don’t seem like a Samoan. I thought you were [inser

Do you know how to read? Sign up to our Newsletter!

* indicates required