Viewport width =
July 10, 2016 | by  | in Music Splash |
Share on FacebookShare on Google+Pin on PinterestTweet about this on Twitter

Ngā Mihi ki a Ihi

Ingoa?

Thomas James Rawiri.

Iwi?

Waikato, Ngati Paoa, Ngati Kahu, Te Aupouri.

He aha i tapaina ai ko IHI te ingoa o to roopū?

He kupu e piri nei ki te mana tangata, me ngaa hua e pupuu ake kei roto. Aa, kaati ra kia whakaputaina tou IHI (light) ki te ao maarama.

He aha i whakatau ai ka reo Māori tā koutou EP?

Ko te koopae tuatahi teenei a Ihi. He mea nui kia maatou ki a noho te reo Maaori hei tuuaapapa mo taa maatou roopu haere ake nei.

He aha ngā ahuatanga whakaohooho i a koutou?

Kia raangona ai te reo ki ngaa toopito o te motu, kaati raa, te Ao. Maaori mai, Paakeha mai, a wai atu raanei.

He aha ngā kōrero matua o te EP?

Kia whakahiihii ai taatou ki to taatou ahurea Maaori.

Whakamāramahia mai a koutou tikanga tito waiata?

Eetahi waa ka noho ko au anake, ka taka mai teetahi rangi me eetahi kupu ki taku aarero. Eetahi waa ka noho aa roopu maatou, whakatangitangi puuoro mo te kore noa iho (jam), ka tahi ka rere mai teetahi rangi, ka kapo ake ki teetahi kaupapa nui o te waa mo ngaa kupu ki a haere tahi ki te waiata hou.

Ko wai ngā tino tauira mo koutou?

O maatou tuupuna maatua e ngarongaro nei i teenei ao hurihuri. Ngaa rangatira kua whawhai kia noho motuhake to taatou reo. Me ngaa tamariki mokopuna e tipu ake nei ki roto i to taatou reo rangatira.

He herenga āu waiata ki te ao haka?

Ae maarika. I tipu ake ahau i roto i te ao kapa haka. Ko te kapa haka te waka wairua e kawe nei i te reo me oona tikanga, ka rua i ngaa oohaakii a o taatou maatua tiipuna. He nui nga hua o te kapa haka ka whakaputaina e au i aku mahi waiata.

He aha atu o te ao Māori e whakaohohotia nei i a Ihi me o koutou waiata?

Te kite atu i to taatou reo e hapai ake nei i ngaa tamariki/mokopuna. Ko te oranga oo too taatou reo te oranga o te iwi Maaori.

He kupu āki ki te reanga e whanake nei ki te ao pūoro?

Kia kaha ki te uu ki taau e tino kooingo ai. A kaati raa,

“Whaia te Iti Kahurangi, ki te tuohu koe me he Maunga teitei.”

 

Share on FacebookShare on Google+Pin on PinterestTweet about this on Twitter

About the Author ()

Comments are closed.

Recent posts

  1. Issue 15 – Feminism
  2. Beyond Pink and Blue
  3. It is Enough: Reflections on Pride
  4. In the Mirror: Queer, Brown and Catholic
  5. “Representation”: Victoria Rhodes-Carlin Is Running For Greater Wellington Regional Council
  6. The Community Without A Home: Queer Homeslessness in Aotearoa
  7. Pasifika Queer in Review
  8. The National Queer in Review
  9. Māori Queer in Review
  10. LGBTQI Project Report Update

Editor's Pick

Burnt Honey

: First tutorial of the year. When I open the door, I underestimate my strength, thinking it to be all used up in my journey here. It swings open violently and I trip into the room where awkward gazes greet me. Frozen, my legs are lead and I’m stuck on display for too long. My ov

Do you know how to read? Sign up to our Newsletter!

* indicates required