Viewport width =
September 10, 2018 | by  | in Books Te Ao Mārama |
Share on FacebookShare on Google+Pin on PinterestTweet about this on Twitter

E mōhio ai koe ki a au, me mōhio koe ki tōku reo.

He pūrongo arotake tēnei mō te pukapuka ‘He Kupu Tuku Iho: Ko te Reo Māori te Tatau ki te Ao’ – Nā Timoti Karetu rāua ko Te Wharehuia Milroy.

Tomo mai ki taku ao Māori i runga i te reo pōhiri o ōku tupuna,

te reo maioha o ōku pākeke, me te whakaaro nui o ēnei mātanga reo ki te poipoi i te reo, me te kaha o tā rāua whāngai i te reo ki te hunga e ngākaunui ana ki te reo.

Nau mai te taringa, nau mai te manawanui.

Nau mai, pānui mai rā e nga toa tauā e ngana nei ki te hauhake i te kai a te rangatira.

Kāore pea te ao e mārama ki te nui o te tōtā kua heke i te rae o ngā tautōhito nei a Tīmoti Karetu rāua ko Te Wharehuia Milroy, mō te reo Māori tonu te take. Ko ngā kai ō roto, he tuinga ā-kupu o ngā rautau e arohanuitia e rāua ki te reo, ō ngā tini wheako whaiaro hoki. Hei tā Te Haumihiata, he oha nō ngā morehu koroua nei ki te hunga e kaingakau ana ki te reo Māori.

Inā te maha o ngā pukapuka kua whakarewahia e te tira Perehi ō Te Whare Wānanga o Tāmakimakaurau heoi, kaore ōna rite ki tēnei rourou mātauranga a ngā koroua nei. Ko te nui o ōna hiranga e mau nei ki tōna tuāpapa ara ki ētahi o ngā kai ō roto, e kīia ai ko te tikanga-ā-iwi, te wetereo, te mana, te tapu, te wairua, me ngā take kōrero o ia rā. Koinei ētahi ō ngā kaupapa whāiti e hōhonu ai te ruku a ngā ruānuku matararahi nei. Ko te mea mīharo rawa atu, koinei te huatahi ō te tokorua nei, kāore e kitea he kohinga kōrero pēnei nā i runga i ngā pae pukapuka o te ao.

Ko ētahi o ngā kai ō roto e aro ana ki te ao hou me tōnā reo. Hei tā ngā kaituhi, ko te nuinga ō ngā kupu e kaha rangona ana i ēnei rā he mea waihanga o roto i ngā rautau tata nei. Ehara i te mea i kapo noa mai i te rangi, ehara hoki i te mea i ahu mai i te reo tawhito, ko tō rāua, he āta whakaarohia te momo wairua o te kupu me tōna kaupapa, koirā e mana ai. Kātahi te whakaaro ataahua ko tēnā. E tohu ana tēnei i te āritarita o ngā arero Māori ki te whanake tahi me te ao hurihuri. Kia kaua noa e mau ki ngā āhuatanga ō rātou mā (kia kaua hoki e whakarērea) engari kia ngātahi te katete atu. Ko tāku i kapo mai i ngā kōrero ā ngā koroua, e whakapapa pounamu ngā wai o ō rāua manawa i runga i te mōhio, e ora pai nei te reo Māori ki tēnei reanga ōku, me te reanga ō runga ake (takiwa o te 14-45 tau). Inā te nui o te whiu tao ā ngā pakeke mō te kino o te reo a ngā rangatahi, me te kino ō ngā waiaro hēoi, anei ngā mātanga e mīharo ana ki te rangatahi, mō te pīkoko ō te ngakau, te hia kai o te arero ki ngā hua o te reo Māori me ōna katoa. Nei ngā rangatahi e whakatairanga i te reo, e kawe nei i te reo i roto i ngā mahi o ia rā, ki ngā tōpito katoa o tō rātou ao. Kāore tēnei reanga e tino mihia e ngā pakeke…Anō nei kua whakawhiwhia ki te tohu hōnore nui ktk.

E hoa mā, me he tūtara kauika kua pae ki uta, e hao nei te hoki ki tai.

Taihoa te ao e manawanui mai ki tō tātou nei reo.

E noho ana au ki te poho o tōku whare ō Te Tumu Herenga Waka. Kōtahi atu taku wairua ki te whenua taurīkura, ki roto o te rohe pōtae o Tūhoe. Panekire maunga tēnā koe, Taiarahia maunga tēnā hoki koe, kei ngā uri o ngā maunga whakahī, ngā poutokomana o te Panekiretanga, nei ā mihi e kore e ngū.

Nā Kalany Shelford

Ngāi Tūhoe, Te Aitanga-ā-Māhaki, Te Arawa

Share on FacebookShare on Google+Pin on PinterestTweet about this on Twitter

About the Author ()

Add Comment

You must be logged in to post a comment.

Recent posts

  1. Cuttin’ it with with Miss June
  2. SWAT
  3. Ravished by the Living Embodiment of All Our University Woes
  4. New Zealand’s First Rainbow Crossing is Here (and Queer)
  5. Chloe Has a Yarn About Mental Health
  6. “Stick with Vic” Makes “Insulting” and “Upsetting” Comments
  7. Presidential Address
  8. Final Review
  9. Tears Fall, and Sea Levels Rise
  10. It’s Fall in my Heart
Website-Cover-Photo7

Editor's Pick

This Ain’t a Scene it’s a Goddamned Arm Wrestle

: Interior – Industrial Soviet Beerhall – Night It was late November and cold as hell when I stumbled into the Zhiguli Beer Hall. I was in Moscow, about to take the trans-Mongolian rail line to Beijing, and after finding someone in my hostel who could speak English, had decided